Thursday, February 15, 2007

يمين - شمال

(يمين - شمال) سيد تركي واحمد حربية.

(يمين - شمال) يمكن ناس تانية كمان!!

(يمين - شمال) هبل بهبل ورؤيتين مختلفتين لموضوع واحد.

(يمين - شمال) اخوان و إشتراكية ثورية.

(يمين - شمال) يا نهار أسود!!!

(يمين - شمال) في العادي ممكن تلاقي سيد كاتب موضوع أو أحمد هو اللي كاتبه.

(يمين - شمال) إلا لو بنتكلم في موضوع سياسي هانكتبه احنا اللي اتنين.

(يمين - شمال) يا نهار أسود تاني!!

(يمين - شمال) مش هانسيبها يمين وشمال!

(يمين - شمال) ناويين نلمها!

(يمين - شمال) اتنين في واحد .

(يمين - شمال) كل ما اتخيل الفكرة ...يا نهار أسود!!

(يمين - شمال) يلا نلخص ونجيب من الآخر

(يمين - شمال) هانسميه "أبو سويلم"؟

(يمين - شمال) علي فكرة الموضوع مالوش علاقة بموضوع "كنا رجالة ووقفنا وقفة رجالة" ده خالص.

(يمين - شمال) بس له علاقة وثيقة – وثيقة؟؟!!- بحكاية " اجري يا محمد أفندي".

( أبو سويلم ) يلا بينا...

17 comments:

Anonymous said...

اهلا اهلا اهلا اهلا
شيوعية و تطرف ف بلوجر واحد؟
بيتهيألى كده انها خربت خلاص
لا يا جماعة
انا مش بقول ان البلد هى اللى خربت طبعا انا بقول الدنيا كلها
احمد و سيد
بجد دى بداية حلوة
التخاريف التى تخفى ورائها النية المبيتة لقلة الادب المحبوبة
لهكرونى بأول مانشيت للدستور "استعنا ع الشقا بالله"
ربنا معاكو
و انا كمان معاكوا
و أى قلة ادب ع النظام و اتباعه بردو انا ف الخدمة
جاهزين يا رجالة؟
يخرب بيت الهبل

Anonymous said...

انا مبسوط بالموضوع بتاع البلوجر وعارف انة هتكون فيه مساحة للحرية علشان ننشر كل الافكار
انا لي طلب عندكم ياريت تعملوا باب للثقافة الجنسية انا بجد نفسي اتثقف وياريت الموضوعات اللي تكتبوها تكون مصحوبه بصور علشان نتعلم صح
بس لي طلب كمان ياريت الصور مايكنش فيها محمد افندي باعتباره صاحب الليلة يعني وبرضة راجل كبير وممكن ادائه ميكونش قد كدة
المهم الف مبروك وعقبال الملك
وعلي من يقرأهذا الكلام الاتصال بي علي هاتفي المحمول 01065320ومش هقول الرقمين اللي فاضلين هههههههههههههههههههههه
هاني الاعصر وشركاه

Abdou said...

لسه عند رأي انتم و احنا و الكل هنا محتاجين نعمل مكس علشان على رجلينا قدام الغول نقدر نقف و ان طالتنا ايده يبق لينا صوت و ان وصلت للقفا يقدر يشيل .. و ان كنت شايف برده ان إيد الغول مرزبة .. بعيد الشر عن كل قفا إخواني و شيوعي و ناصري و يساري ..يعني بعيد الشر عن قفا كل شمين..

المصير said...

مش ممكن حربيه و سيد فى مدونه واحده .. فعلا واحد يمين وواحد شمال !
بس جو الاخاء والحب ده شئ جميل جدا ..

وفى حاجة كمان الواضح على المدونه انها تميل للجانب الساخر وده شئ نادرجدا فى اى مدونه وشئ يستحق الاشاده

بس عاوزينكوا تملوها بقى وتحطوا صوركوا بقى !

دعاء عادل said...

مبروووووووووووووووووووووووووووووووك
وبالمناسبه السعيده دى خلونا نعلق لكم فرعين نور
معقوله احمد وسيد فى بلوج واحد
لاء مش معقول
اكيد هايكسر الدنيا
نورتوا المدونات
ننتظر الابداع يا جماعه وعجبنى اوى حوار اجرى يا محمد افندى
بس يا خوفى لتقلب بأوبرت الارض لو عطشانه

Anonymous said...

mabrook ya shabab , I hope that you know what you are doing .

Anonymous said...

الزملاء الأعزاء سمال ويمين أو سيد وأحمد
فكرة جميلة وجريئةوشكلها حلو كمان وممكن تبقي منفذ مهم لكتير مننا للكلام والفضفضة ويا سلام لو تحول الكلام بعد شوية للعمل على القضايا اللي حيتم تداولها، المهم بالتوفيق وإلى الأمام
هيثم جبر

Anonymous said...

شيوعى واخوانى!؟. انا مش فاهم القط والفار يصطلحوا ازاى. ممكن يحترموا بعض ماشى وده بالتاكيد المطلوب لكن انا أعتبر اللى بيحصل ده لخبطه على مستوى عالى أو نكون رجعنا لعهد عمر بن عبد العزيز وده واضح انه مستحيل لأننا فى عهد آل مبارك اللى بزواله هتتضح الامور اللى بهتت عموما احنا منتظرين نشوف التجربة هتسفر عن ايه فى زمن الكلام! ربنا يوفق. سلام جلال سمير

Anonymous said...

هاهاهاها.... انا بوسى يا واد يازفت الطين انت وهو لو صحيح انت ساسو وحماده العبيط قولولى مين اللى رص الكراسى....

Anonymous said...

جتكم نيلة
اهه كله بثوابه
طبعا يزيدكم شرف يا...
ان انا ادخل اعبركم
ربنا معاكم
ومعاناف الليله السودا دى
بس خلوا السلاح صاحى..
وحيث ان الاسلام هو الحل
ف..اوعى تكلمنى بابا جاى ورايا

احمد سمير said...

مبرروك
اجمل حاجه ان كل التيارات حيقروا البلوجر سواء التلاته الشيوعين اللى الموجدين فى البلد وبيتقابلوا فى مقر الحزب الشيوعى على قهوه البورصه او السته الناصريين اللى لسه مش عارفين مين اقل عماله للامن سامح عاشور ولا احمد حسن او مئات الالاف من شباب الحركه الاسلاميه اللى جدعان قوى وحلوين قوى وجامدين قوى وميه ميه قوى وثومه احسن ناس
مبروك يا سيد .. مبروك يا حربيه
الفكره جامده طحن ولو اهتميتوا بيها حتبقى من اهم المدونات على النت

Unknown said...

يا ملين

أحمد حربية said...

أحمد بدر:
دا كلام ياراجل تبقي أول واحد يعلق علي أول بوست في أول مدونة لينا وتنسي تكتب اسمك!!..اما قلة الأدب اللي علي النظام فجيا كتير ...متأكد انك معانا؟

هاني الأعصر:
البلوجر هتكون حرية نشر كل الأفكار موجوده فيه فعلا ..لكن صدقني لو كنا نعرف أن انت محتاج ثقافة بس كنا نفذنالك طلبك..ولا ايه؟

hurria:
وهيه إيد الغول مزبة بس؟بعد الشر عن قفا أي بني آدم وعن..احم...قفاه برضه!
bebo:
شكرا ليك وما تقلقش بكرة نملاها لما تزهق مننا

دعاء عادل:
ليه فرعين نور والتكلفة دي؟؟العمال والإخوان أولي برضه ولا ايه؟تضامنك لوحده مش كفاية

Innaho:
thnx yes we do
هيثم جبر:
إلي الأماااام فعكا علي مرمي البصر
جلال سمير:
كلام جميل أوي بس ما قلتش مين القط ومين الفار؟؟
بوسي:
أيوه احنا والدليل ان اللي رص الكراسي هو نفسه اللي دق الشماسي،في عهد الخليفة العباسي"زي ما انت راسي"

حنان الجوهري:
يا دي النور يا دي النور واي شرف يا حنان ومتقلقيش السلاح صاحي بس مخبيينه علي بابا ما يعدي.
أحمد سمير:
يا سيدي 3 ولا 5 ولا 1000000 مش مهم المهم نفسك معانا واديك في ايدنا نقضي عليهم كلهم.
أبو امل:
آمييين

alnadeem said...

إنتوا شرفتوا يا خويا
يا ضيعه العالم الافتراضي
أعتقد ان هذا يوم فارق في تاريخ المدونات بشكل عام
والعربيه منها بشكل خاص
والمصريه علي الأخص
وانا اقول النت واقع ليه بقالوا يومين
ربنا يستر والشبكه كلها ما تقفلش
هههههههههههه
مبروك يا ولاد وبالتوفيق

دعاء عادل said...

انتوا فين يا جماعه
عايزين بوست جديد
ولا من دلوقتى احتدم الخلاف
بجد عايزه اشوف بوست جديد
يلى المره الجايه اجى الاقى حاجه اوك

Anonymous said...

dfsfdsf

luluderaven said...

طبعا اول بوست لازم اقراة هو البوست الاول كما حذرت :)

 

© blogger beta templates | Webtalks