في السفر 3 فوايد
"عاوز شغل؟! مين ف الشباب النهارده مش عاوز شغل بدل قعدته ع القهاوي؟انا هاجيبلك شغل!!
كلنا هانشتغل مسحراتيه-جمع مسحراتي-!!
ايوه مسحراتيه بس بدل ما نخبط علي طبلة و اشياء ما انزل الله بها من سلطان هانخبط ع القلوب علشان نصحيها!!" جزء من خطبة عصماء اعجبت لدرجة البكاء راكبي الميكروباص الذي جئت به من طنطا بعد ان ودعت اهلي قبل سفري الي سوريا في رحلة عمل لم تكلل بالنجاح-فقري-.
جانبي شخص يبدو عليه الهيام من خطبة الشيخ ابو عمار-مش ياسر عرفات- محمود المصري مش محمود عبد العزيز في المسلسل الرمضاني.
وانا ضايع مع الجملة الساحرة"من كل حسب طاقته و لكل حسب حاجته" اقطع التفكير فيها لاقرأ اجزاء من البيان الشيوعي لو اللي قاعد جنبي عرف كده كنت زماني اتقطعت و الله!!
المهم سافرت سوريا-قلب العروبة النابض بالبعث و البعثيين و القائد الضرورة الاسد الابن ، بس الحق كلهم هناك عروبيين يحتفلون بذكري الوحدة مع مصر في 22 شباط/فبراير من كل عام!و بذلك تحققت الفائدة الاولي للسفر...الراحة من ابو عمار و حسان و الحويني و يعقوب و الخرا ده كله.لكن وجدت هناك من هم اسوأ شيخ الجامع الاموي الذي صليت فيه الجمعة و اضطررت لسماع خطيب قضي ال 45 دقيقة عمر الخطبة في التذكير باهمية المياة و ضرورة الحفاظ عليها و اتباع ارشادات ولي الامر في عدم الاسراف-حشروا ولي الامر حتي ف الحنفيات-يالهوييييييييي!
الفايدة الاولي انضربت بالنار قلت البركة في الفايدة التانية....الشغل اللي رايح اعمله للدستور...باظ و الحمد لله، خالد مشعل بعد ما رتبت معاه حوار لمدة ساعتين بدلا من ساعة واحدة سافر مصر يوم اجراء الحوار لعمل حوار اخر مع زميل من جريدة منافسة.."السيد عمر سليمان"!قلت البركة في الرفيق و المجاهد اللينيني جورج حبش-الحكيم -بلا اسلاميين بلا هباب- ذهبت لألقاه ، اتاري الرفيق سافر الاردن يا نهار اسويييييد!!
المهم بما ان كل حاجة باظت قلت يبقي الكتب هيه الحل اشتريت بكل فلوسي كتب تحفة هاديها للواد حربية علشان يغسل بيها دماغه..مجلدي النزعات المادية للدكتور حسين مروّّّة و حاجات باسعار ممتازة لماركيز ترجمة علماني و ساراماجو و عزيز نيسين و جورج اورويل ووليمة لاعشاب البحر و دورت علي حاجات لــ"اميل حبيبي" بس مالقيتش.
و زرت ضريح صلاح الدين و قريت الفاتحة امام قبره مرتين، مرة علي روحة ومرة علي روحنا احنا العرب و افتكرت جزء من قصيدة بغداد للابنودي:"قاعدين سنين تحلموا بظهور صلاح الدين مافيش صلاح الدين و لا حتي زفت الطين,الحيّ ميّت يا ناس اما اللي مبّت عاش ، دا الحي ميّت يا ناس اما اللي ميّت عاش"
الفايدة الرابعة في السفر فهي اني استريحت من حربية و الاعصر و بسيوني و هو امر لو تعلمون عظيم!!
في الرجوع مفيش فوايد
يااااااااه علي قلبه الأسود ...وانا اللي كنت ناوي أحكي وأقول هوه قد إيه وحشني !!! لكن هه هنقول إيه؟؟ .
أنا بس عايزكم تخدوا بالكم من شوية حاجات صغيرة كده قالها سيد فوق، أولها ان خالد مشعل سابه وجه القاهرة والرفيق اللينيني فك منه علي الأردن ، وبكده يبقي عرفنا العيب في مين...صح؟؟
تاني حاجة هو قال أنه اشتري كتب هايهديهالي كلها ...خليكوا شاهدين!
الثالثة بقي أنه صلي الجمعة وحضر الخطبة من اولها وكمان قرأ "الفاتحة" لصلاح الدين لأ ومرتين كمان!! وأعتقد أن دي أسباب كافية أوي علشان الإشتراكيين يفصلوه ويسحبوا منه لقب اشتراكي متعفن...بس احتمال يسيبولو متعفن بس.
والرابعة أن ما سيحدث لسيد بعد ان يقرأ بسيوني و هاني الأعصر هذا "البوست" هو الأمر العظيم حقا.
13 comments:
ما تخافش يا ساسو من مش هيطردوك م الاشتراكيين الثوريين لأنهم مش ممكن يغامروا بفصل عضو فى حين ان عدد الاعضاء اصلا 15 نصهم امن تفتكر ممكن يغامروا بفصل عضو لأنه بيصلى ...كانوا فصلوا الباقيين عشان مسطولين من الشرب ولا عشان سبق وبلغوا اصلا...
ربنا ياخدكوا انتوا الاتنين
البلد مش ناقصة شيوعيين واخوان
بس يا انت نسيت تتكلم عن بنات سوريا يا معلم...البناااات 00هه؟
اللى انت قولت لى عليهم
ياريت تتكلم عنهم فى بوستايه
اكيد دول عاوزين لهم بلوج لوحدهم البنات كلهم مش السوريين بس
حنان الجوهرى
سبقتينى يا حنان والهى كنت داخله اقوله
بقى كل اللى عملته فى سوريا انك زرت قبر صلاح الدين واشتريت كتب وصليت الجمعه
ايه الايمان والتقوى دى
امال فين المزز يا معلم؟؟؟؟؟؟؟؟؟؟
بس بعد ما كملت وقريت كلام حربيه فهمت ليه
وماتخفش يا حربيه هما مش هايفصلوه ولا هايسحبوا اشتراكه
لانهم عارفين انه صلى وعمل كده مضطر
لان اكيد بعد ما وصل هو سوريا كل المزز
سافروا السنغال
عارف؟ لما حد ييجي يبعت "بوست" زي ما بتسموه، بيبعت حاجه فيها فايده، حكمة أي شيء مفيد يا معلمين. والـ"بوست " ده بالذات ما لوش لا فايده ولا لون ولا طعم، ده كان قيء فكري، ليه ريحه وطعم ولون بس مقرفين، ابعت حاجه تفيد الناس يا راجل منك ليه، لما يكون البلوج كويس لازم تحافظ عليه بالطريقة ديه، وكمان حاجه إذا سمحتم: يا ريت ما تغلطوش في لا كويس ولا زبالة، زي ما حربية لما ييجي يكتب يهاجم حد بياخد رأيه الأول خليكوا ماسيين على المبدأ ده أو أي حاجة زييه أهو مبدأ وخلاص
شكرًا
ههههههههههههههههههه
اهه ده اللي بتوع الدستور فالحين فيه يا حنان ويا دعاء
ماشي ياختي انتي وهي
بس والله البوست عجبتني اوي يا أحمد
أنا بس معترض على فكرة الغلط من اساسها
لا اسلاميين ولا اشتراكيين
عموما .. بوست جميلة اوي
وبداية روعة جدا
سلام يا كبير
mosh 3aref 2a2ol eh bas el dafr 7elw awe bezat le soria 3ashan nezor kabr salah el den :( we salat el gom3a bas ent neseet fe3lan en bnat soria 7elween awe magebtesh seera 3anha ya abo soilem
Shady el taweel
أعتقد إنه مش ممكن أبدا و تحت أي ظرف يفصلوا سيد حتى لو صلى الفجر كل يوم جماعة (حتى الإخوان ما بيعملوهاش)السبب مش نشاط الرفيق سيد و قدرته التنظيمية العالية ،السبب بسيط جدا هو إنه العضو الأخير (بلاش إفترا) آسف قصدي العضو قبل الأخير .. دول حتى بيفكروا يخلوا من شروط العضوية أداء الصلوات الخمس جماعة في الجامع إن كان مسلم أو المواظبة على صلاة الاحد في الكنيسة إن كان مسيحي
أما عن البوست فمش بطال يا رفيق بس
ياريت بلاش الالفاظ دي اللي جابت لصاحبنا قيء فكري (مش تعملوها إنتو إخراج طبيعي و صاحبنا يديها قيء فكري)
أما عنك يا حربية فلا إنت صاحبي و لا أعرفك إن ما خدت سيد بونيتين صداقة و الكتب و تديها لي أقراها
كلمة أخيرة يا رفيق سيد جبت سيرة النظام الأسدي البعثي العروبي السوري، بس ياريت تقول لنا إزاي بينفخ شعبه عروبة و يحشيهم بعث ، أصل لي واحد صاحبي الأسد نفخه عروبه لدرجة إنه بقى بيهبهب بالعربي .. آسف قصدي اللي كان صاحبي الله يرحمه
يابني انت بتدون ولا عامل بلاغ في نفسك؟
جمييييييييييييييل البلوج هيخليكوا تتكلموا بدون قيود عشان نعرفكوا على طبيعتكو شدوا حيلكو جلال سمير
يا جماعة انا مش حابب تتكلموا علي في ضهري
الكلام ده ما يصحش وعلي العموم لو طلع العيب من أهل الغيط ما يبقاش عيب
المهم انا مضايق من سيد تركي لانة فرحان قوي انة سافر سوريا صحيح محدث نعمة
مع تحيات نجم الروك والبوب والدوج والبوك والشوك هاني بك الاعصر
ايه ده فيه ايه
مين دول وايه اللي جابهم هنا
انتم مين......
وبتعملوا اييييييه............
شكاير ايه ......
واشعة اييييييه
وخان مين
وايه الي جاب الجوهري هنا
وهو فيه حد عادل مش مسدأ
وحيلكوا مين
انا مش فاهم
وسوسو دا بط ولا كتاكيت وعضو مين
ويبص على ايه عيب وبلغ مين ايه ده
مش معقول كل دي عجول مش هجول اني بجول معجول
انا لي تعليق بسيط يبدوا ان التخلف مش في البشر بس حتى الكاميرا اللي مصوره صوره ليهم مخرفه الصوره بتاريخ 2008 يا متخلفين يعني اشوفكوا السنه الجايه
السفر مافيهوش ولا فايدة ومن خرج من داره00000000000000000000000
المهم انى عاوزة الكتب اللى انت جبتهامن سوريا سلف
Post a Comment