Tuesday, April 10, 2007

حلم لا يتحقق و وسام غير مستحق




ثلاثة أيام ..كلما جلست إلي الكمبيوتر انتابني نفس الشعور ، أريد أن أكتب ، أعرف أن الكتابة ستساعد في إخراجي من المود الزفت اللي أنا فيه ، ولكن ماذا أكتب ؟ هناك فكرة واحدة تسيطر عليّ ، الغضب ، أجد نفسي محصورا بين عدة مشاعر لا أستطيع الإفلات منها ، الظلم فالكره للظالم والحنق عليه ثم الرغبة في الإنتقام ، أتخيله بغطرسته ، بابتسامته المستهينة بكل ما أقول ، بحمقه ، بغبائه ، بتكبره ، باستعلائه ، ثم أتخيله – ليس واحد فقط – أتخيلهم جميعا بعد أن ينفذ فيهم غضبي ، يا الله ، تأتيني فكرة أخرى لم تكن علي بالي ، أن في تخلصي منهم سعادة للبشرية ،ولذا فقد أنال عن هذا العمل – الذي لم أحدد طبيعته بعد – وسام من أرقي الأوسمة وأعلاها وأغلاها وأثمنها وأحلاها....وخلافه !!!.

أستغفر الله ، كيف شطحت بخيالي إلي هذا البعد ؟ كيف تمكن مني غضبي إلي هذا الحد ؟، كيف.....، كفاية أسئلة رخمة ، المهم دلوقت أني أشعر -ببعض- تأنيب الضمير ، فهذه الأفكار ( الشريرة) ليست من طبعي ، وهذا معناه أن الشيطان انتصر علي ، ولكن، أعاود التفكير ، بتمعن أكثر هذه المرة ، هل يمكن أن يكون انتصار الإنسان علي ظالميه وسوسة شياطين ؟؟؟

والله إني أراها من وحي الملائكة ، لا أحاول البحث عن مبررات، خاصة أن هذا أمر لن أفعله إلا في خيالي ، ولكن لماذا في خيالي ؟ لوحدتي ؟... لضعفي؟ ......أم لهوان أمري ؟؟

لكل هذا وأكثر ؟؟ لست أدري ، لكن كل الذي أدريه ..أني كان لدي حلم جميل.

13 comments:

دعاء عادل said...

ينهار
بجد حرام عليك يا احمد
عارف ليه لان
كلما جلست إلي الكمبيوتر انتابني نفس الشعور ، أريد أن أكتب ، ولكن ماذا أكتب ؟
لست ادرى لكن كل الذى ادريه
انه كان لدى حلم جميل

أحمد بدر said...

بالمناسبة يا أبو حميد

كعادتى كل يوم انا بأصحى أتفرج على كلام العالم على المدونات
و يصراحة أكثر شايف ان اللى بيهرتلوا كتير اوى
انما لأول مرة اقول بجد و عن قناعة و بكل صدق و بمنتهى الحسم و الحزم والشدة و بكل الحاجات اللى من النوع ده .. الخ
انى مستعد أشارك فى العمل اللى انت لسة لم تحدد طبيعته بعد
و انا عارفك بطبيعتك اليمينية ممكن يبقى عمل تنديدى ضخم أو عمل احتجاجى سلمى عظيم - بينك و بين نفسك طبعا أو فى أضيق نطاق .. على مستوى الأصدقاء و الأسرة و خلافه - عكس الواد سيد اللى ممكن ثوريته تاخده اوى و يقف فى ميدان التحرير و يهتف : يسقط ......يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط........يسقط المطر شتاءا .
بس بجد بجد بقى
عجبتنى الفكرة , طبعا مش فكرة الموقف .. فكرة انك مش عارف تكتب .. يعنى هتريحنا من اللى خلفوك شوية
ولا اقول لك
اكتب .. و اكتب كتير
يمكن صاحبنا يقرالك تجيله أزمة قلبية و نخلص

Anonymous said...

مقدرش اهون عليك ..ابقى بتضحك عليك زى ماضحك علينا

بيسان

أحمد بدر said...

بالنسبة يا قمر

نسيت أقول لك انك موهوب بجد فى التعبير عن مشاعر الناس , و ان كنت شايف انك مش قادر تعبر عن نفسك انت
عن اللى جواك يعنى
حاسس ان اللى جواك مش قادر يطلع ع البلوج
حاول و ربنا معاك

summer said...

الغضب للى كبيره كلمتين على الكيبورد ميلزمنيش يا أستاذ، عايز تغضب يبقةأتكل على الله ونفذ جؤايم قتل فى كل للى تعبينك وأكيد كمان تعبنا،لكنالغضب الشفاهى ده أثبتت الخبرة العملية عدم جدواه لأنه بيتحول مع الوقت لإكتئاب وأسألنى أنا أشهر مكتئبة فى العالم

elkamhawi said...

ليس واحد فقط


البوست جميل جواه خليط مشاعر جوا بعض

Anonymous said...

...وخلافه يا احمد وخليفته ووريثه واللى خلفوه واللى جابوه وحياة ابوك اكتب لأن خلافه المنتظرة احسن من خلافه دلوقتى ..وخلافه


آدم دائمًا

FadFadA said...

أحمد
جميل جدا أسلوبك , و تعبيرك عن مشاعرك
بس بص , عاوز اقول لك حاجة
أوقات بيكون التسامح أجمل كتير حتى من الانتقام نفسه , فاكر الصحابي اللي قال عنه النبي صلى الله عليه و سلم انه من أهل الجنة بسبب أنه لا يبيت و ليس في قلبه شيء لأحد من المسلمين
و على الفكرة الموضوع ده صعب جدا جدا
أهنئك على موضوعك الأخير في الدستور بتاع الأم
محمد

Anonymous said...

انت فاكر ان انا وانت بس اللى كدة
لا
داحنا كتير قوى
فى امريكا اوروبا وكل الدنيا
ربنا يستر علينا وعلى كل الولايا الغلابة يا برنس الليالى المظلمة
طلال فيصل

لو كنت أعلم said...

أهلااااااااا أبوسويلم
شكراً على تشريفك المدونة بتاعتي
ده أولاً
أما بقى ثانياً
إيه يابني النكد الدبل ده
هو الواحد ناقص
وعلى فكرة أنا بيحصلي نفس المشكلة لما بحاول أكتب
على فكرة عندي ليك حل ممتاز بالنسبة للناس اللي مضايقينا كلنا_اللي إنت عارفهم_
إحنا نتجمع كلنا يوم الخميس عند السيدة زينب ونكشف راسنا وندعي عليهم ونقول في نفس واحد
"يا أم العواجز ...يا أم العواجز ، مسحنا بلاطك عليهم ينصابوا في مالهم_وعيالهم _ وفي كل عزيز لديهم " ونندر إننا نوزع فول نابت لما تزول الغمة
"هااااااااا إيه رأيك بقى
لو عجبك رأيي ممكن نكون أصدقاء
ولو ما عجبكش
هنكون أصدقاء برضه
، ما هي قوة بقى؟!

أحمد حربية وسيد تركي said...

دعاء عادل: لم يعد هناك ما يدهشني....والموت للعبيد

أحمد بدر: شكرا يا ريس علي الإطراء الجميل بس أنا خايف أهتف "يسقط المطر شتاء" حد يزايد عليا ويقول "يسقط المطر في المناطق الاستوائية طوال العام".ايه؟

بيسان كساب: رحنا في داهية

سمر نور : قولي بقي انك مش عايزة حد ينافسك علي اللقب علشان كده بتتخلصي مني

elkamhawi :
ولسه المرة الجاية بقي بفكر أزود خليط ده بشوية موز باللبن يبقي إيه ...عجب

FadFadA :
سعدت بزيارتك لمدونتنا المتواضعة وسعدت أكثر لاهتمامك ...أما عن الانتقام فمكانه هنا علي صفحات المدونة لا يخرج عنها...بالعربي ،تنفيس

طلال فيصل:
برنس الليالي المظلمة؟؟؟؟انت القعدة عند مصطفي أثرت عليك جدا،وكمان يا أخي لو إحنا كتير فعلا ..ليه لغاية دلوقت مافيش اتحاد ولا ثورة...سلام يا برنس

لو كنت أعلم:
موافق طبعا علي كل اللي قلتيه بس لي طلب صغير ساعت توزيع الفول النابت ممكن تبقي تسيبيلي ساندونتش لأني هاموت من الجوع!!

Oreka said...

بتحصل
الحالة العامة تزهق بصراحة
انبسطت انى شوفتك المرة اللى فاتت فى الدستور
وجامدة قوى حتة الاخوانى مع الشيوعى جامدة جامدة يعنى بتفكرنى بالهلال والنجمة والواد دقدق
هههههه
تحياتى يا شباب

خالد البلشي said...

اخوانى ويسارى ومش عارفين تعملوا حاجة حتى الاعتراض بقى جوانى
هأقولكم ايه ساعات الظروف بتبقى أقوى من البشر
تحياتى
ادعوكم للمشاركة فى فرحنا
خديجة آه .. مصر لأ

 

© blogger beta templates | Webtalks