Sunday, May 18, 2008

مانشيتات يوم القيامة


كانت فكرة، ثم أصبحت لعبة، بعد ذلك أقنعني الصديق أحمد سمير أن أكتبها حتى لا يتفرق دم الفكرة بين الـ"مفكرين"، وساعدني أحمد في كتابتها، وبالفعل كتبناها سويا وظهرت مانشيتات يوم القيامة في كل وسائل الإعلام الموجودة.

انترنت "موقع عشرينات"، جرائد "جريدة الكرامة" ، تلفزيون "برنامج الطبعة الأولي"، راديو "تيت راديو".

بقي أن أقول أنه بالرغم من أن "المانشيتات" في ظهورها الأول حملت إسمينا أنا –أحمد حربية- والصديق أحمد سمير، إلا أن التكفير والسب كان من نصيبي وحدي، وكان رد فعل الصديق المخلص أن قال: تستاهل مش هي فكرتك؟

أكتفي بهذا "الرغي" و ..

تعالوا نأخذ جولة في عنواين الصحف الصادرة يوم القيامة:

* جريدة الجمهورية:

احنا معاك يا ربنا

وعد فأوفى.. رسول الله يشفع للمسلمين

* جريدة الأهرام:

الرئيس بصحة جيدة وينتقل إلى الدار الآخرة بصحبة أسامه سرايا ولفيف من القيادات الشعبية والنتفيذية زمرا.. واستقبال حافل من الزبانية.

خبر فرعى: قامت القيامة


* جريدة الأسبوع:

أسرار المؤامرة الصهيونية الأمريكية لإلغاء يوم القيامة

سعد الدين ابراهيم يعترف بأن إبليس موله للتشهير بمصر.


* جريدة البديل:

ثلاث حكايات من يوم المحشر:

أحمد عز يحتكر إنتاج شجر الزقوم

الفقراء في الجنة وكادر خاص لجامعي أموال الزكاة

عمال المقابر يطالبون بلجان نقابية للدفاع عن ذنوبهم


* جريدة الدستور:

قامت.. ومش هاتقعد!

ابرهيم عيسي يكتب: قيامتهم


* مجلة روز اليوسف:

عماد الكبير يؤكد: عذبت إسلام نبيه بعنف ونادم على ما اقترفت فى حقه!

بالوثائق الأعمال الخيرية للجماعة المحظورة لن تدخلهم الجنة ولن ينالوا رحمة ربنا أيضا.


* جريدة المصري اليوم:

مفاجأة.. المؤمنون في الجنة والكفار فى النار!

أبو جهل: العذاب أليم بشدة

الصديق: وجدت ما وعدني ربي حقا


* موقع المصريون:

أنباء عن إسلام فرعون قبل وفاته ودخوله الجنة


* مجلة المصور:

عمرو بن العاص يعترف بتفاصيل خطه التمكين لفتح مصر


* جريدة العربي:

ناصر.. أخيراً

سيد قطب يعترف: توفيت بالسكتة القلبية قبل إعدامي بلحظات، وشهدي عطية يؤكد: الحياة كانت مملة.. والزعيم ساعدني على التخلص من شرورها


* جريدة الفجر:


* مغامرة صحفية تكشف قصص أجمل أربع بنات هايروحوا النار!

أيمن نور يؤكد أمام الملكين أنه اختلق قصة مرضه فى السجن.


* موقع العربية.نت:

الملك عبد الله يعد بتوسعات في الصراط


* موقع الجزيرة.نت:

إغلاق مكتب الجزيرة في الجنة.. الرحمة لسامي الحاج


* موقع قناة الحرة:

أنباء عن أن الانتحاري ليس شهيداً..

شاهد عيان: متطرفو القاعدة مع عملاء الـCIA في جهنم


* مجلة أخبار الأدب:

حاله تشظي في وعي البطل الإشكالي أثناء محاسبة الذات الإلهية العليا لإتباع الديانة المحمدية على مدى التزامهم بالنص القرآني المقدس


* جريدة الأهالي:

هل انتهى شهر العسل بين المتأسلمين وملائكة اليمين؟

رفعت السعيد: نداء إلى الله لا تدخل الإخوان الجنة قبل أن يعترفوا بأخطائهم التاريخية ولا تقول لهم ماذا ستفعل بي


* جريدة الأخبار:

قيام القيامة ينهي شائعات حل مجس الشعب


* جريدة الوفد:

محمود أباظة يزور الهيئة العليا للوفد بسمنود


* جريدة الاشتراكي:

نعتذر عن عدم صدورالجريدة، لأن الموضوع طلع جد.. عاش نضال الطبقة العاملة


* جريدة الشعب:

والى يعوم يوميا في المبيدات المسرطنة المغلية


* موقع إخوان أون لاين.نت:

بيان من المرشد حول الأجر العظيم للمعتقلين في سبيل الله

البنا يعاتب عاكف على تصريحاته التي أضرت بالجماعة


* جريدة الوطني اليوم:

إشاعات مغرضة عن قيام القيامة للتأثير على المواطن البسيط!

مبارك: لا يوجد شىء سيمنعنا عن مسيرة الإصلاح حتى يوم القيامة

نظيف: الشعب المصري غير مؤهل لتقوم قيامته

33 comments:

Anonymous said...

هو فيه ايه يا جدعان انتم اتهبلتم اتريقوا على كل حاجة واى حاجة بس بلاش المعتقدات الدينية تستخدموها علشان توصلوا افكاركم حتى لو كانت افكاركم دى تعتقدوا انها سليمة ولله الامر من قبل ومن بعد

awake said...

شكرا ليك على المتابعة المتميزة يا دستورى يا اصيل
تقبل مرورى المتواضع
ايمن صديق
http://latosal7.blogspot.com/
بجد احلى موضوع شفته عن يوم القيامة.هههههههه

محمد إبراهيم محروس said...

مقولتليش بقى مين هيكون فاضي يوم القيامة يكتب
مانشيتات
معلش سؤال غلس بس محتاج إجابة
خالص تحياتي

على الزيبق said...

موضع غريب
بس يا ريت بلاش نصطدم بمثل هذه الأمور
الدين له قدسية
ومراعاة مشاعر الناس من الكياسة

احمد سمير said...

السلام عليكم
الموضوع المقصود منه " تخيل " ماذا يمكن ان يكتب هؤلاء .. فالحديث عن ماذا نتخيل نحن عما كان " يرغب " ان يكتبه هؤلاء
وده افتراض جدلي ــ حد يعرف يعنى ايه افتراض جدلي و لا حتخنقوا اهلى ــ في الاساس
وهذا الكلام غير واضح بالقدر الكافي في المفدمة.. عموما ربنا ينجينا و اياكم من يو القيامة.. و ربنا يخليك ياعم حربيه ابقى وضح لان كتابة الموضوع بدون توضيح مزعجه لي انا شخصيا
هذا هو قصدنا و اللى مش عاجبه دى مشكلته هو مش مشكلتنا خالص
احمد سمير

احمد سمير said...

ذهب رجل عراقي من الهندوس الذين يعبدون بوذا في عهد الخليفة هارون الرشيد وقال لنابليون
بلغنى ان بعضهم بيندل مع بعضهم
فاجابه العامل المصري الذي يشبه ريتشارد جير في فيلمه الفرنسي الشهير العار
ربما .. احمد سمير يفعل ما هوا اسوا من ذلك
فبكي ت العروس حزنا على حفيدتها التى التقت بها اثناء تجنيدهما في الجيش

Anonymous said...

احيييييييييييييييييييييه جامد جدا انا فعلا ضحكت من قلبى و الله معلم فعلا

الملاح التائه said...

اجمل مانشيت قريته
أحمد عز يحتكر إنتاج شجر الزقوم الفقراء في الجنة وكادر خاص لجامعي أموال الزكاة
:))
تحفه

هنادي said...

يخرب عقلك البوست جامد جدا

Anonymous said...

خيال نقدي كوميدي مبدع يندرج تحت بند الكوميديا السودآآآآآآآآء جدآآآآآآ ولكن ......

محض روح said...

حلو التجميع ده

جلال كمال الجربانى said...

الفكره رائعه رغم أنها فانتزيا خالص
ده أنا ضحكت ضحك
شكرا ياسيدى

يلا نحب كزد مدونه عماليه

Dr-Ahmed said...

الرئيس يتعهد باستمرار مسيره الاصلاح حتي يوم القيامه ..ههههههههههههه

دي اشد واحده فعلا

Anonymous said...

This is prefect
A very asntoshing article
Very good one

Alkomi said...

تصدق و تآمن بالله انت بوب و مالكش حل و فكك من الهبل اللي يقولولك مش كل حاجة تكتب فيها ابو العلاء المعري عمل رسالة الغفران و هو بيتخيل احداث معينة بيتهيئلي يبقى من حقنا برضه نتخيل احداث متعلقة بحياتنا

الله ينور يا بوب

Anonymous said...

بوست جامد طحن ...احساس عالى بالفكاهة ...وللسلفيين الجدد: ياجماعة ماتصعبوهاش الناس مش لاقية عيش ايييييية ...مايضحكوش كمان؟؟؟؟؟؟؟

Anonymous said...

هههههههههههه
مسخرة

Anonymous said...

عمري ما ضحكت بالطريقة دي
وعمري ما شفت الموقف السياسي والصحافة في مصر بالوضوح ده
ومتضايقة من الناس اللي داخلة تهاجم الحكاية لأنه مش تريقة على الدين ولا استهانة بمعتقد مقدس ولا حاجة قد ماهو فضح لنظام وفضح لتوجهات صحفية مصرية كتير
بجد مش شايفة ابدا ان فيها استهانة بمقدسات
الظاهر المصريين بقى عندهم حساسية تجاه كل حاجة
الله يخرب بيت التيار الوهابي ياشيخ!

المهم تقبل كل تحياتي واسمح لي اني أحييك أكتر على إنك زي ما بيقولوا كدة "فهمت الليلة"

nyira_elsheiref said...

يالهوي
أنا مانشيت الإشتراكي كان هيفطسني من الضحك بجد
جريدة الاشتراكي:
نعتذر عن عدم صدورالجريدة، لأن الموضوع طلع جد.. عاش نضال الطبقة العاملة
ههههههههههههههههههههههههههههههههههه
ههههههههههههههههههههههههههه

Anonymous said...

اعلى مانشيت بجد

ابرهيم عيسي يكتب: قيامتهم

مسخرةةةةةة

وعايزين نسمع تيتة يوم القيامة
قريب على تييييييييت

gehad said...

سؤال يا اخ
انت كان ايه شكلك لما قامت الدنيا عشان رسام اجنبى سب النبى؟؟؟
والنبى مش دى برده معتقدات عندنا احنا بس (مسلمين)يعنى
بس دى زى دى يا معلم وانت بتقول اللى مش عاجبوا هو حر
فعلا هو حر بس اللى كان بيحترمك
دولقتى هايقول طظ فيك (انا)يعنى
عيل قليل الادب مش بيحترم حاجة اساسا
واذا كنت حاسس انك مش غلطان فدى اخيب حاجة فى الدنيا
روح يا شيخ سديت نفسى
واللى بيقول وهابية وهابية ايه!! والنبى انا مش متدينة ولا ناوية اربى دقنى
انا فاهمة حاجة من وانا صغيرة يعنى ايه نحترم الغيبياتوالمعتقدات
واساسا انت متستهالش انى اتعب نفسى واكتب تعليق اد كده بس كتبته عشان متغاظة وزعلانة ولو مش عاجبك امسحوا
gehad

ابراهيم said...

الاستاذ الفاضل الملك سعود ليس مسئول عن توسيع الصراط ولا احد يستطيع محاسبة احد فلماذا تكذب اذن
هذة ليست فانتازيا
فانتا تتكلم عن شي عظيم
ادعوك لزيارة مدونتي

Abu Shahin said...

اهو انا واحد اول مرة ازور المدونة
ولما لقيت الاعلان اللى انت حاطه ف الجنب ده .. قلت يبقى لازم اقرا اول موضوع ده واشوف فيه ايه .. وبامانة ..انا اتقتلت ضحك .. ايه الفقر ده يا جدعان

واد غلبان said...

فكرة عالية عالية عالية
وانا اللى كنت فاكر الافكار خلصت
جراة تثير الاعجاب حقا
تحياتى
اه نسيت
ان جديج على المدونة
بس هاتابعها ان شاء الله

Anonymous said...

July 4, 2008 6:56 PM


واد غلبان said...
فكرة عالية عالية عالية
وانا اللى كنت فاكر الافكار خلصت


لأ .. مصطفى أمين عملها قبل كده في (فكرة) لما نشر مانشيتات الصحف يوم القيامة. بس ما كانش لسانه طويل كده !

Anonymous said...

بس ما فيش ولا جورنال عمل انفراد
كنا عايزين حوار مع حد من الانبياء

وطبعا الجرايد تاني يوم كانت حتنزل "اللجنة العليا .. تتلقى عدد كبير من تظلمات اهل النار ومطالبات باعادة الحساب

مررت من هنا
بهاء الطويل

Anonymous said...

Hey
It is really nice. So smart, short and expressive. So clever. I really loved it.
Khaled, Australia

لو كنت أعلم said...

فكرة جامدة

هو أنا أغيب ولا قيك لسه ثورجي برضه

مش هتتلم

بجد وحشتنيييييييييييي

زورونا

alzaher said...

مجرد ذكر اليوم الأخر بالنسبة لشخص غير متدين مثلي أمر يثير الذعر
لا أتصور أن ايا منا سيكون لديه الفرصة لقراءة أي شيء في ذلك اليوم

ساره said...

ده كله وهنشوف يوم القيامة حاجة تانية خالص ويمكن منقلاش جرايد من اساسه لان
هيكون بتوع الجرايد مش فاضين
هههههههههههههههههههههههههههه اكيد بهزر
تحياتي

لو كنت أعلم said...

يخرب بيتك

ايه الدماغ الهباب دي

بصراحة خايفة أعلق

البتاعة دي غريبة قوي
بس مبتكرة
وربنا يسامحنا بقى

مهندس مصري بيحب مصر said...

ههههههههههههههههه

موضوع يندرج تحت بند ماذا لو صدرت الصحف بعد يوم القيامة

Anonymous said...

بالله عليكم بلاش تكلموا عن الدين بالشكل ده وكانكوا بتتريقوا عليه واتقوا الله يجعل لكم مخرجا

 

© blogger beta templates | Webtalks