كوكو

salvador dali,Christ of Saint John of the Cross 1951


لا اعرف لماذا اتذكره من وقت لاخر,نوستالجيا المراهقة الاولي تلك التي تطل براسها من وراء حجاب..مصطفي محمود.
اظن ان هذا الاسم شكل مرحلة انتقالية في حياة جيل تسعينيات القرن الماضي..الرجل الذي خرجنا علي يديه من اسر "ادهم صبري",الرجل الذي حطم خيال" فانتازيا" علي صخرة واقعيته و لغته السهلة العميقة في ان.

هل كان ضروريا البدء بهذه المقدمة؟مش عارف..حاسس ان الراجل ليه في رقبتي كلمتين كان لازم اقولهم.

نوستالجيا المراهقة الاولي اطلت برأسها منذ فترة..و البطل فيها بالطبع كان "الدكتور"..لا اعرف لماذا ظهرت هذه المرة في ذهني قصة "كوكو" في مجموعة "عنبر 7"القصصية--القصة ليس لها علاقة بدور اداه رشدي اباظة حمل نفس الاسم و ان حملت شخصيته ذات الملامح.

زار:كوكو"بيت صديق قديم دخله محملا بفكرة"أحببت المئات و أحبتني الالاف و استمتعت بحياتي افضل من اي شخص"
المهم الاستاذ :كوكو"رايح يخنق او يبيض علي اتنين صحابة متجوزين و مخلفين.
بيدخل معاهم في حوار مفاده:انت مين قاللك ان ابنك دا من صلبك.جايز اكون انا ابوه و نمت مع مراتك اللي هي صاحبتي و الولد دا ابني.
فيصفعه الصديق قائلا:ممكن تكون عملت دا مع مراتي بس الابوة مش بالحيوان المنوي..الابوة بالشعور"....و كلام كتير في السكة دي"و بعدين انت عامل نفسك فتك و فالنتينو و هاتموت زي الكلب الجربان بعد سهرة سكر في اي بار رخيص او غالي!!

القصة بتنتهي في ان الاب بيحس بتعب بعد خنقات الاستاذ"كوكو" و الام-الصديقة المشتركة-و الابن-محور الصراع- بيجروا يشوفوا هو ماله و بيتحركوا جنب كوكو وممكن يكونوا خبطوا فيه و كأنه مش موجود,و يخرج من البيت