Tuesday, July 31, 2007

غزوة الدنمارك مشهد الرسوم...كلاكيت تاني مرة


"لنريهم مدي حبنا لرسولنا الكريم يجب أن ننشر هذه الصورة ، وندعوا الله أن يعلي راية الجهاد لكي نذبحهم واحدا واحدا ، هيا نجدد مقاطعتنا للدنمارك وندعوا بلعن من صمم هذا المنتج"

هذا هو ملخص رسالة البريد الاليكتروني التي بُعث للآلاف في الفترة الماضية مصحوبة بصورة لمنتج من شركة Lego إحدي أشهر شركات انتاج لعب الطفال في العالم ، المنتج علي حسب ما يظهر في الصورة مكتوب عليه " العب مع النبي محمد و 23 من الزوجات متضمنين عائشة ذات الست سنوات"!!! ومكتوب أيضا أن اللعبة للأطفال أكثر من 6 سنوات ولا تصلح للفتياتّ!!....هذا غير العبارة السحرية "صنع في الدنمارك".


الصورة التي سببت المشكلة

الرسالة اكتسبت قوتها من ارفاق هذه الصورة وعدد من وصلتهم هذه الرسالة يقول أننا علي أعتاب معركة جديدة ستبدأ قبل أن تجف دماء معركة الرسوم الأخيرة ، ولذلك كان من المهم البحث عن أصل هذه الصورة لكي نعرف أبعاد المعركة المقبلة ، و عندما حاولنا البحث عن أصلها كانت المفاجأة ان الصورة منتشرة انتشار غير طبيعي في مئات المواقع الأجنبية يستخدمها من يهاجمون الإسلام في التهكم - خاصة أن الصورة يظهر فيها لعبة علي شكل رجل ملتحي يرقد علي فتاة شقراء- و يشكرون الشركة على هذا المجهود ، و تستخدمها المواقع الاسلامية والناشطون في هذا المجال في التدليل على استهداف الإسلام من الغرب وخاصة الدنمارك !

الغريب أنه في خضم هذه المعركة المشتعلة - اليكترونيا حتى الآن- لم يفكر أحد في الرجوع الي الشركة المنسوب اليها انتاج اللعبة للتأكد من حقيقة هذا الموضوع ، و بعد ان رجعنا لموقع الشركة على الانترنت حدث ماتوقعناه لم نجد لهذه اللعبة أي أثر وسط كل منتجات الشركة ، لكن مع وضع سؤ الظن في الاعتبار –رغم أن بعضه اثم – كتبنا اسم المنتج –الذي يظهر في الصورة – داخل محرك البحث الموجود بالموقع ،وكانت المفاجأة الكبري، رسالة من الشركة إلي كل عملائها تقول فيها أن هناك صورة مزيفة تجتاح العالم عبر البريد الإليكتروني لما يقال أنه أحد منتجات الشركة ويظهر فيها النبي محمد في اوضاع جنسية ، وتشدد الشركة علي عدم وجود أي علاقة بينها وبين هذه الصورة الموضوع عليها علامتهم التجارية ، وتقول ايضا أنها لا تعرف –حتى الآن – من ورائها و لكن المعلومات المتوفرة ان هذه الصورة ظهرت أولا في بعض المواقع الأوروبية ، وأن هناك تحقيق مفتوح بالتعاون مع الشرطة الدنماركية لهذا الشأن.

هل يكفي هذا أصحاب الدماء الحامية الذين لم يفكر أحدهم أن يتحقق من صحة الخبر الذي أرسله للعشرات - أو كتب عنه في مدونته - قبل أن يمرره علي عقله رغم خطورته الشديدة ؟ أم سيظل هناك لوم علي الشركة لأنها نشرت رسالة التوضيح بالإنجليزية فقط ؟؟!!

17 comments:

المصير said...

بص يا استاذ احمد .. فكره ان الواحد لازم يتحرى الدقه فى المعلومه قبل تداولها ده امر لا جدال فيه ... وباعترف انى كنت من اوائل الناس اللى عملت موضوع على البلوج بتاعى للصوره ديه .... انما الفكره بقى فى حاجه غير انك بتقول انك لاقيت الصوره مضروبه .. انا لاقيت الصوره موجوده اصلا من 6 شهور " تصور " يعنى سواء الصوره صح او ملعوب فيها فهى قديمه ..


انما الحاجه اللى استفزتنى جدا جدا العنوان سورى " السخيف " اللى فيه سخريه من غيرتنا على سيدنا النبى محمد " صلى الله عليه وسلم " ايوه وتحس انه تريقه كده واننا عبط اننا سخنا على الفاضى ... لا يا احمد انا مش معاك فى كده

amiragad said...

علي فكرة انا عارفة ليه انت نشرت الموضوع ده بالذات بس متقلقش مش هسيحلك قدام اصحاب المدونين و المدونات عموما النشر التدويني احسن بردة من النشر الصحفي
.... اتكلم بجد بقه التدوينة حلوة بجد و الموضوع مهم جدا و عموما جزاء الله خيرا

أحمد حربية said...

أستاذ شريف(الأسطورة) :-
تصور انت يا أستاذ إن أول بيان للشركة طلع علشان الصورة دي كان بتاريخ 13-أكتوبر2006 يعني الموضوع قرب يدخل في سنة (كل سنة وانت طيب ) ،يعني أنا عارف إن الصورة من زمان بس مع ذلك نشرت لأنها بدأت تتبعت بشكل واسع جدا زي ما قلت في التدوينة .. اما بالنسبة للعنوان فأنت حر تشوفه زي مانت عايز ، لكن انت عارف انك في كلامك لخصت الموضوع ببراعة فعلا...اللي يسخن على الفاضي وما يحاولش يتأكد من السبب يستاهل التريقة ويبقي عبييييييط

ورقة شجر:-
ربنا يخليكي ليه يا استاذة ..وجزاكم مثله، بس انتي بجد عارفه ليه انا نشرت ، خلاص لما نتقابل ابقي قوليلي

FadFadA said...

أحمد
بص الكبير كبير
و انت بالفعل كبير
أسلوبك المعتدل في التناول و التفكير راااائع
كنت هازعل قوي لو كنت هجمت زي مالكل بيعمل دون تحقق و تبين من صحة الخبر , خاصة أن الموضوع من الواضح أنه مضروب لو أي عاقل نظر إليه نظرة هادئة دون انفعال و تشنج
جمييل جدا جدا يا أحمد و ربنا يباركلك في عقلك الرائع
و أختم بدعاء
اللهم صل على الحبيب محمد و على آله و أصحابه و سلم

dead man said...

انا شفت الصورة دى من حوالي 6 شهور.. ومش عارف ليه ما انفعلتش اول ما شفتها.. وكان عندي شبه يقين انها مضروبة، لآنهم مش بالغباء ده، وده كمان لآن القانون عندهم بيجرم الايحاءات الجنسية للأطفال حتى لو فوق الست سنين

ده غير أنهم مش بالغباء دهبالنسبة لتوقيت نشر الصورة من توقيت المقاطعة بتاعت الرسوم المسيئة

علي كل حلو اوى السيرش اللى أنت عملته ووضحت المعلومة للناس

الحلم العربي said...

أحيي فيكم البحث و التدقيق وراء كل معلومة

يا رب نعمل كده كلنا لأنه كم من الجرائم ترتكب لعدم التأكد

تحياتي

Anonymous said...

قمت بالبحث ان انك نقلت عن غيرك نتيجة البحث

ايضا كنت اريد ان انبه ان بعض الاشخاص يقومون بدون قصد لنشر احاديث تكون ضعيفة و يكون الثواب ان صحت كبير فيقومون باعادة النشر بغية الخير و لكن للاسف ينشرونها دون التاكد على العلم انه و بفضل يوجد على الشبكة العديد من المواقع التي جعلت من حفظ الاحاديث هدفا لها
منها مونقع الدرر السنية الذي يسهل الوصول اليه عبر محركات البحث و قد حوي جميع الاحاديث الموجودة بكتب الاحاديث و يمكن فيه البحث عن الحديث بكلمة


و اشكرك مرة اخري

السلحفاة تطير said...

الصورة دى شكلها فيها لعب

أحمد حربية said...

فضفضة:-
صلي الله علي محمد صلي الله عليه وسلم
ربنا يخليني عند حسن ظنك،و شكرا علي كلامك الرقيق -اللي فيه مبالغة كبيرة-
***********************************
deadamn:-
معاك حق طبعا بس تعمل في الناس اللي مبتشغلش عقلها ولا حتي على سبيل التغير ..نورتنا وزيارة تتكرر كتير ان شاء الله
************************************
الحلم العربي:-
يسمع منك ربنا...آمييين
************************************
Ahmed Ismail:-
مش فاهم قوي عايز تقول ايه بس لو كنت بتسأل إن كان البحث منقول ولا احنا اللي عملينه يبقي لازم تعرف اننا لو نقلنا حاجة أكيد سنذطر المصدر ...البحث مجهود شخصي ،وممكن أي حد مهتم يعمله والطريقة المتبعة مكتوبة في الموضوع، وشكرا على المعلومات القيمة
************************************
السلحفاة تطير:-
يا رااااااجل ، أمال احنا بنقول ايه من الصبح يا عمنا

لو كنت أعلم said...

أحمد دي تبقى بجد مصيبة

يعني من الآخر إحنا في إيد كبيرة قوي بتحركنا كما عرايس الماريونت

أنا بإذن الله لازم اتكلم عن الموضوع ده في مرة بس لما أجمعه من مصادر موثوق منها

بس شكراً جداً إنك نبهت الكل للموضوع ده

تحياتي وبشدة

citizenragab said...

العنوان عجبني




والفضول هيقتلني عشان اعرف سبب النشر فحسب التعليق التاني النشر وراه إن

citizenragab said...

العنوان عجبني




والفضول هيقتلني عشان اعرف سبب النشر فحسب التعليق التاني النشر وراه إنا

AbdElRaHmaN Ayyash said...

كلام جميل
موصلتنيش الرسالة
و مسمعتش عنها
و ما كنتش هصدقها لو وصلت
لأنهم مش بالغباء ده
لكن اللي عملها شايف ان المسلمين بالسذاجة انهم يصدقوها من غير ادله كافية
شكرا على التأكد
سلاام

أحمد حربية said...

لو كنت اعلم:-
هي فعلا مصيبة لكن مش معناها إن في إيد كيبرة بتحركنا زي العرايس لأن المعني دي واضح من زمان ... بس إيه من مصادر موثوق منها دي؟؟ علي أساس إن دي مدونة صفرا و شغلها مضروب ولا ايه؟...احنا بعون الله أنزه من ....احم...كويسين وخلاص.
*************************************
المواطن رجب:-
الحمد لله إن العنوان عجبك ، إنما "الإن" فهي تنصب المبتدأ وترفع الخبر...أوهكذا أذكر
*************************************
عبد الرحمن عياش:-
اللي عملها مش شايف إن المسلمين سذج ...اللي عملها متاكد من كده ، ةاللي حصل للآسف بيقول كده والدليل ببساطة ممكن تشوفه لو حاولت تبحث عن الصورة دي على الإنترنت
الشكر لله
وعيلكم السلام

مواطن زهقان said...

والله مش عارف اقول ايه
نو كومنت
وياريت تتفضل بزيارتى

أحمد حربية said...

مواطن زهقان:-
نورتنا يا سيدي وامتناعك عن التعليق
هو ابلغ تعليق!!والزيارة قدامة فورا
أحمد

Anonymous said...

ta7iyyeteh....
well...i am surprised.. from where did all this energy come suddenly???
yes suddenly...the Arab world doesn't move except when there's a stupid picture drawn by a certain stupid fuckn racist person....but when it comes to thousand of violations of human rights that are made in the name of Islam (that harmed the Islam and its rassoul a thousand time more than a picture or a doll) by the Arab regimes or by extreme Islamic movements no one moves. how superficial we became....
cheers
farah

 

© blogger beta templates | Webtalks