Thursday, February 10, 2011

الثورة


اللوحة للفنان السوري: برهان الدين كركوتلي

أفزعتني بذلته السوداء النظيفة للوهلة الأولي..

- يا أستاذ يا أستاذ.. ممكن سؤال

- اتفضل

- عاوز بس أعرف رأي حضرتك إزاي نحسن صورتنا

- أفندم؟

أخرج ورقة فلوسكاب من جيبه فيها كلام كثير لمحت منه فقط كلمة "تغيير البذلة"

- يعني مثلا ممكن نغير الهدوم بتاعتنا

بدأت أستعيد هدوئي، وقلت بحس إنتقامي إستغربته

- م تخلوها "بينك" مثلا؟

رد بمنتهي البراءة: لأ.. ممكن أزرق أو أبيض.. أو أي لون تاني!!

استعرت براءته في الرد علي استفزازي وقلت: لا ممكن تحاربوا الفساد اللي عندكو

- طبعا.. بس لازم نحسن صورتنا الأول.. فيه فساد كبير قوي.. إحنا بندوّر علي إجراءات سريعة علشان الناس ترجع تحبنا!

رددت: أكيد

- شكرا حضرتك

شكرته وإنصرفت


* من حوار صباح 10 فبراير 2011 "نصا وبدون تصرف" مع نقيب شرطة في آخر شارع الشواربي

 

© blogger beta templates | Webtalks