Monday, July 9, 2007

سنة حلوة .....يا عبيييييييط

سنة حلوة .....يا عبيييييييط

حب ، كره ، ابتسامة ، ابتسامة ساخرة ، دمعة فرحة.... واخري متوعدة ، اشتياق ، غضب ، كبت ، ظلم ، تمثيل سيء وكذب محبوك لكنه بلا داع.

كلما هممت ان أبدأ بموقف أو عاطفة معينة أكتبها بمناسبة مرور عام علي وجودي في الدستور ظهرت فكرة أخري او عاطفة مختلفة مصطحبة معها من الحجج والبراهين ما يدلل علي احقيتها في الذكر أولا.

أحاول أن اتبع نصيحة أحمد ندا بأن أكتب بشكل عفوي دون ترتيب فلا يزيد الأمر إلا صعوبة ،كدوران شريط سينما في آلة عرض خربة تمر الذكريات ، أحاول التوقف عند المشهد الأول ، بصعوبة امد يدي لأنزع فيشة هذه الآلة المجنونة، و بإستغراب أمد يدي لأصافح من سأعلم بعد قليل أن اسمه هاني الأعصر ، يدور حوار قصير ، ارد على اسئلته بهمهمات غير مفهومة وابتسامة غير مبررة مشغولا بكمية الصلصة التي تغطي وجهة ويديه ، واضح من "الشوكة" في يده الثانية انه كان يأكل مكرونة ، ابتسمت لأني شعرت ان التعبير الأنسب انه كان " بيعوم " فيها ، فجأة بدأ هاني بالتخبيط علي الباب - الذي لم أكن قد اجتزته بعد – بعنف مناديا "يا جماعة ...لحظة لو سمحتم، يا.... " ، لما انتبه الجميع – ولم أكن قد فهمت سبب هذا التخبيط المفاجئ - قال لهم مشيرا نحوي " ده ... احمد حربية زميل جديد هايكون معانا من النهارده " ثم بدأ يعرفني بأسماء الجالسين في صالة التحرير ، طبعا لم يكد يصل إلي آخرهم إلا وقد نسيت -انا- اسمه -هو- ، اكتفيت بهز رأسي في بلاهة مرعوبا من فكرة الإنطباع الأول لأني لم اكن أتخيل أن أتعرف على ( الزملاء ) بهذه الصورة أبدا، لكني اكتشفت ان رعب الإنطباع الأول ترف زائد مقارنة بالصدمة الثانية التي لم تتأخر كثيرا ، الزملاء اللطاف الذين أحسنوا استقبالي مضربون عن العمل ( من الواضح اني جيت في وقت مش مناسب ) ، وقبل أن استوعب الصدمة الثانية إذا بالثالثة تهوي على رؤسنا من علٍ ، قرارات وقف عن العمل وتحقيق مع كل اللطاف الظرفاء ( يظهر فعلا اني جيت في وقت مش مناسب ) .

هذه البداية – التي لم أراها تتكرر مع أحد غيري - كانت الفاتحة ..... والمغلقة!.

علاقتي بـ ( الزملاء ) أصبحت – في وقت قصير جدا – أكثر من رائعة لكن.... أين خالد البلشي ؟

"حوار صغير مع الأستاذ خالد البلشي في أحد المظاهرات بعد انضمامي للدستور بأيام.......بالطبع لن يذكر هو هذا الحوار"

- أستاذ خالد؟.....ازي حضرتك ؟ انا اسمي أحمد حربية .....حد جديد في الدستور (!!!!!!!!).

= أهلا يا أستاذ......( مبتسما) بس انا مش في الدستور خلاص.

- بس ده ما يمنعش إنك حضرتك تفضل استاذي

= (مبتسما ) "عبارات شكر موجزة" .

طبعا لم أكن اتخيل أنني بعد سنة كاملة وأثناء احتفالي - الشخصي - بمرور عام علي حياتي الجديدة سأحتفل بشكل آخر مع أجمل أصدقاء هذا العام بمناسبة عام جديد في حياة خالد البلشي! ، و إن كانت هذه مفاجأة سارة لم أتخيلها ، فإن المفاجأة الأخري التي لم يكن خيالي ليجسر أن يقترب منها هي أنه و بعد مرور سنة بالكمال والتمام ، في نفس اليوم الذي ذهبت فيه إلي الدستور ( 7/7 ) لكن بعد عام .....الأصدقاء معتصمون!! طبعا أنا معهم ، ومتى لم نكن سويا ؟.

لحظة واحدة!!! هل تكلمت كل هذا دون أن أقول من هم؟؟؟!!!، وانا من كان ينوي ان يكون الحديث عنهم مفصلا ....حسنا هذا معناه أننا بحاجة إلي إعادة وضع الفيشة ،تحين مني التفاتة متوجسة إلي آلة العرض الحمقاء (المسماه اصطلاحا ذاكرة ) فأجدها تنظر إلي في تشف ، لكن... أري أحدهم يتثائب هناك ، وهذا معناه ببساطة نهاية العرض مكتفين بهذا القدر ، أما عن الأصدقاء ، فسيكون لكل منهم – ان شاء الله – عرض منفرد قريبا.

17 comments:

Anonymous said...

سنة حلوة .....يا أحـــــــمـــــــد

, و عقبال مية سنة دستور يا صاحبي ..

عشرة لأبو جمال و أربعين لجمال و أربعين لابنه و قسّم الباقي براحتك

....

كلامك له طعم تاني يا صديقي و أنا باقرأه من هنا .. يبقولوا دايما أبعد عن الصورة تشوفها أحلى و أنت و كلامك من هنا أحلى و أحلى

لكن ما أخبيش عليك مصر صورتها من قريب أقل ألما بكثير من و أنت شايفها من بعيد

....

المعذرة يا صاحبي!

Anonymous said...

سنه حلوه ياحربيه بكل ما فيها من اضرابات واعتصامات و وامتناع عن العمل .
مسألتش نفسك فى يوم ليه الاصدقاء فى الدستور دايما فى اضرابات واعتصامات ؟
انا بقى هقولك ليه ! دول مش بس مجرد صحفيين موظفيين فى جورنال يقدموا شغل واخر الشهر يقبضوا المرتب ويتواجدوا من الساعه10الى 5 وعلى كده وخلاص دول ناس ياصديقى مؤمنه بمبادئ واللى بتتلخص ـ اسف ان كنت هتكلم على لسانهم ـ العدل والمساواه وتكافئ الفرص وخريه الرائ واحترامه وتقيم الجهد،ولما يلاقوا نفسهم محرمون من هذه الحقوق التى ينادوا بها يحق لهم التجمهر والاعتصام والامتناع عن العمل وان لم يفعلوا ذللك فسيكونوا عباره عن مجموعه من الموظفين الذين يرددون كلام رئيسهم لكنهم والله اعلم بداخلهم شئ اسمه الثوره ضد كل ظلم ........
صلاح

Anonymous said...

سنه حلوه ياحربيه بكل ما فيها من اضرابات واعتصامات و وامتناع عن العمل .
مسألتش نفسك فى يوم ليه الاصدقاء فى الدستور دايما فى اضرابات واعتصامات ؟
انا بقى هقولك ليه ! دول مش بس مجرد صحفيين موظفيين فى جورنال يقدموا شغل واخر الشهر يقبضوا المرتب ويتواجدوا من الساعه10الى 5 وعلى كده وخلاص دول ناس ياصديقى مؤمنه بمبادئ واللى بتتلخص ـ اسف ان كنت هتكلم على لسانهم ـ العدل والمساواه وتكافئ الفرص وخريه الرائ واحترامه وتقيم الجهد،ولما يلاقوا نفسهم محرمون من هذه الحقوق التى ينادوا بها يحق لهم التجمهر والاعتصام والامتناع عن العمل وان لم يفعلوا ذللك فسيكونوا عباره عن مجموعه من الموظفين الذين يرددون كلام رئيسهم لكنهم والله اعلم بداخلهم شئ اسمه الثوره ضد كل ظلم ........
صلاح

rana 3amra said...

يااااااااااااه يااااااه بجد
ياما نفسى كدة اكتب بوست انا كمان شبه دة اقول فيه بكل عنتظة انى بقالى سنة ف الدستور
يا سلام والله الواحد منى ساعتها يبقى كانه ماسك الدنيا بايده وحاططها ف جيبه
نفسى اوى ييجى اليوم دة يا عالم
عموما يبدو ان هذا اليوم مش هيجى الا بعد وقت طويل اكون فيه قد خلصت تلك الشدة الكبرى المسماه جزافا ثانوية عامة

انشاء الله باذن واحد احد كدة اكون زميلة يا فندم ان شاء الله كدة يعنى من غير مقاطعة

انا لسه مقريتش الدستور بتاع انهاردة اتمنى اشوفلك مقال جامد زىلا العادة

سلام بقى

Anonymous said...

انا اسمي هاني الاعصر
انا الشخص الاول الذي استقبل حربية في الدستور زي ما هو كتب ولكن انا عاوز اتكلم عن الدستور شوية
الدستور مدرسة بجد انا اتعلمت حاجات كتير فيها وبالتحديد ابراهيم عيسي وخالد البلشي وعبير العسكري و بيسان كساب وبالمناسبة مافيش حد تاني في الدستور الواحد يعرف يتعلم منه مافيش خالص
ولكن الباقيين اتعلمت منهم خبرة التعامل مع الحياة واحد يخليك تتعلم الصبر وواحد يعلمك ازاي تعرف تتعامل مع الحيوانات وخاصة ان ابسط ما استطيع ان اقوله عن هذه الشخص هو انة حيوان ايوة يا جماعة يا بتوع الدستور هو الحيوان اللي جه في دماغكم وياريت كل اللي يقرأ هذاالتعليق ما ياخدش فكرة عني اني بغلط فيه دا وصفه الحقيقي والله
بالمناسبة الدستور بالنسبة لي ولمعظم زملائي هي مصر بس علي صغير
في كل تفاصيلها وخاصة ان العمل بها لا يقتصر علي الصحفيين ففي الدستور يعمل بتوع التصحيح وبتوع الجمع وبتوع الاعلانات وبتوع البوفية بس مش قصدي حاجة تاني
ففي الدستور تجد المنافق وتجد شارب الخمر (مش هقول اسماء وتجد المريض والسليم والكويس والوحش ومن يدفع ومن يقبض والطويل والقصير والتخين والرفيع وتجد الملتزم دينيا والملتزم خلقيا والملتزم الفراش وتجد غير الملتزمين ايضا
يا احمد مضت سنة كاملة علي وجودك في الدستور وعندك كل المشاعر دي امال انا اعمل اية اللي موجو في الدستور من ثالث عدد يعني داخل علي سنتين ونصف
يا احمد استطيع ان اقول ان اجمل ما في الدستور انها عرفتنا ببعض واتمني ان تجمعنا تجربة خاصة بينا احنا
الكلام اللي عندي ماخلصش ولكن مش عاوز اكون ممل اما بخصوص الاستاذة اللي عاوزه تبقي زميلة في الدستور
انا عاوز اقولك ان عبقال ما ينفع تلتحقي بالدستور هنكون كلنا مش في الدستور شوية هيكونوا في مستشفي المجانين وشوية ماتوا وشوية معاش مبكر وشوية معاش مش مبكر وشوية شلل يعني الناس هتكون غير الناس ومش بعيد يكون الاستاذ عصام فهمي باع الجرنال لحد من الناس اللي بنهاجمها في الدستور ويبقي الدستور زي عمر افندي

لو كنت أعلم said...

ألف مبروك
كل سنة وانت طيب
عساكم من عواده

إيه ده كله
آدي نتيجة العفوية
عموماً دايماً
آلة العرض وقت الكتابة بتهنج
عندي أنا بقى بتجيب جاز وأفكار مهببة
وميت فكرة وفكرة
وبيبقى نفسي بجد ألاقي حد جنبي يشجعني إني أكمل
بس بجد دماغك عاااااااااااالية
ويارب أكون معاكم السنة الجايية في الدستور

سؤال:؟
هي الاعتصامات بتوزعوا فيها حاجة ساقعة ولا بتبقى قهوة سادة
على روح البلد واللي ماسكينها
سؤال برئ

لو كنت أعلم said...

أوعى تفهم سؤالي صح

أحمد حربية said...

عبد العظيم :-
هي فعلا كانت سنة حلوة الحمد لله.
نسيب الأمنيات ونقول:
وانت كمان يا صديقي كلامك ينطق بما يحمله من رقيق المشاعر وانا اقرأه من هنا ،وعلي فكرة انت كده اوحيت لي بفكرة جامدة ، بفكر ابعت كل القراء ألمانيا علشان يشوفوا كلامي حلو كده .
ربنا يوفقك ....وادعيلي

صلاح:-
أنا متفق معاك في كل اللي انت قلته إلا حاجة واحدة بس ، حكاية ان الناس بيقعدوا للساعة 5 دي ....عيب عليك ده في ناس مش بتمشي قبل 9 يا راجل....صباح الفل يا ابوصلاح

rana3amara:-
اوعي تنسي تطمنينا علي النتيجة ، وان شاء الله ربنا يوفقك وتبقي زميلة دستورية ....بس انا عندي سؤال واحد لو ما قلتوش هايحصلي حاجة بصراحة ...هوه أنا كان واضح في كتابتي إني بقول أن انا بقالي سنة في الدستور ..بكل عنتـظة؟

هاني الأعصر:-
نشنت يا فالح!!

لو كنت أعلم:-
الله يبارك فيكي ، عقبالك ، نجاملك في الأفراح ان شاءالله.
"خايف عليكي من كلمة آميين"
لكن لو حصل وبعد سنة روحتي الدستور ابقي اسألي أي حد قديم عليا...خدي منه رقم تليفوني وطمنيني عليكي.
السؤال الأخير مش هارد عليه لأني قلقان أكون ما فهمتكيش غلط.

FadFadA said...

أحمد
ألف مبروك و عقبال ما شوفك رئيس تحرير أد الدنيا
طبعا مش محتاج أقولك ان كل مرة أقرأ ليك حاجة أجد أسلوبك له طعم خاص
ربنا يوفقك , و مزيد من التوفيق و النجاح
محمد

Ebtsam said...

كل سنة وانت طيب يا احمد
ودايما الى الامام
تحياتى

Marwa Friday said...

صباح الفل كل سنة وانت طيب يا احمد
ياااه سنة
يارب تعمل حاجات عظيمة وجميلة
وربنا يوفقك

Anonymous said...

عارف يا حربية..
انا بقى في التاريخ بتاع احتفالك بمرور عام على وجودك في الدستور انا بحتفل بمرور عام على اول موضوع يتنشرلي في الدستور و ربنا يعلم اد ايه انا تعبت عشان اشتغل في الصحافة خصوصا اني مكنتش الفرصة متاحلي بسهولة زيكم كفاية اني من برة القاهرة و اي حتى برة القاهرة برضه اقاليم
مقدرش انكر اني حبيت الدستور و كنت بستنى الاربعاء يجي بفارغ الصبر عشان اقراء مقالة ابراهيم عيسى و اتفرج على رسومات عمرو سليم بس الايام مرت و كل حاجة اتغيرت الواحد اتعود ان ما فيش حاجة ينفع تفضل حلوة دايما لازم مع الوقت تتوصخ
السنة اللي عدت عليا في الدستور اهميتها عندي في حاجتين:
اولا :اني بقيت صحفي و اسمي في المكان اللي انا فيه له احترامه و اتعلمت حاجات كتيرة مقدرش انكر.
ثانيا: اجمل حاجة في الدستور و اللي مكنتش اي جريدة تانية حتديهالي هي انتم
سيد تركي و حربية و هاني و بيسان انتم اقرب حد ليا في الجورنال و انتم الوحيدين اللي بثق فيكم ثقة عمياء... انا عارف اني حسيب الدستور قريب لانها خلاص مبقيتش الدستور بتاعتنا بتاعت زمان بتاعت حاجة تانية و لناس تانيين و طبعا اقصد الحيوان اللي بيقول عليه هاني بس والله الحيوانات افضل منه هو ابليس بس ابليس غبي يعني شر و غباء ايه البني ادم ده خلي ينفعهم بكرة الدستور حتقع على ايد الراجل ده

بجد خلاص انا مبقيتش بحب الدستور زي الاول انا لسه بحب الدستور بس الدستور بتاع زمان اللي كان ممكن يحصلي حاجة لو مشتريتوش لكن دلوقتي مش بشتري الدستور غير لما يكون في شغلي .. الراجل الحيوان من فترة قريبة عمل معايا مشاكل خرة و مع اني طبعا مش الغلطان طلعني اني بتعالق و مش بشتغل مع ان اختي الصغيرة اللي في 3 ابتدائي بتكتب احسن من مقالاته خلافي مع الحقير ده حسسني بالظلم حسيت اني مقهور شعور ابن وصخة مكنتش بحسه و احنا مطوقين بعساكر الاممن المركزي في اي مظاهرة الاحساس بالظلم شئ سئ و الاحساس بالقهر شئ اسوء خصوصا لما تحس انك مقهور من شخص ما يساويش في سوق الرجال معزة ..حسيت وقتها ان البلد دي مبقاش فيها حاجة بتاعتي حتى الجورنال اللي بنتنفس من خلاله مبقاش لينا مكان فيه

بس سيبكم انتم الاربعة اجمل حاجة في الدستور بحبكم يا ولاد الكلب

أحمد الدريني said...

ادخرت تعلقا طويلا لهذه التدوينة لكن بعد قراءة تعليق هاني
حسيت اني لسة شايف حلقة من بوجي وطمطم فنسيت!!

Anonymous said...

well...that's exactly how hany introduced me to the other "comrades" in Doustour too!!!!!but he hadn't any ketchup on his face and mouth :) ..although i stayed there only for one month, i was able to detect this lovely spirit in the newspaper...hey guys keep it high very high..and don't forget that the real change starts from the places where we exist!!!
viva la revolutionna...
cheers all
farah

أحمد حربية said...

أحمد الدريني:-
وهل تفرط في مدخراتك من أجل عم شكشك؟

***********************************
فرح:-
هههههههههه.واضح انك نسيتي أن الحاجة الوحيد اللي الناس بيعملوها في الدستور إنهم يـ
keep it high very high
وعلى العموم املنا في إن النار متنطفيش تحت رماد القهر
وحشتينا جدا جدا ، وطمنينا على أخبارك

Anonymous said...

u know harbia and turkey...i wrote 2 articles before i came back to lebanon...none of them have seen the light in doustour...one because it's "too politically incorrect with the line of the newspaper" and the other "too serious to be put in a "light" page made for "youth"!!!!that made me so frustrated and angry....... but u know, as u always told me u both, that there's a certain magic in this newspaper..and the magic is u and the other friends who give it its spirit, its dynamic. that's what we should save it and protect it to stay "high" :) or else we will loose all what we had left from hope and liberty.... chta2telkon ktir :))))
cheers
farah

Anonymous said...

........but ..but and but...my friends..in my opinion what's going on is totally unfair and Wrong...it's not acceptable that a certain person who own the newspaper (that i never seen during all my visit and i doubt that u did)to gain each month millions while the real persons who work and make all these efforts are not paid well or treated in a bad way without any
compensations, admiration, respect.etc...what we were writing on all the time was about people struggling, facing thirst, the exploitation of the director of the factories,the atrocity of the soldiers etc...and we were inciting
them to go forward..and when it comes to us..........we keep silent without any mvt to change
what bothers us.
u can do a lot if u stand together to change the situation..u can make al doustour a better place to live and to write...it's
between ur hands
cheers
farah

 

© blogger beta templates | Webtalks